परभणी,(प्रतिनिधी); परभणी जिल्हा उत्तर विभागातील वंचित बहुजन आघाडीच्या जनसंपर्क कार्यालयाचे उद्घाटन आज जिंतूर रोड, परभणी येथे उत्साहात पार पडले. या कार्यालयाचे उद्घाटन अशोक भाऊ सोनोने, केंद्रीय सदस्य व जिल्हा समन्वयक यांच्या हस्ते संपन्न झाले.
जनतेच्या सामाजिक, शैक्षणिक, आर्थिक व नागरी समस्यांवर त्वरित तोडगा काढण्यासाठी हे कार्यालय परभणीकरांसाठी खुले करण्यात आले आहे. उद्घाटनप्रसंगी अशोक भाऊ सोनोने यांनी कार्यकर्त्यांना संबोधित करताना सांगितले की, “वंचित समाजाच्या हक्कासाठी लढा देणे आणि प्रशासनापर्यंत त्यांचा आवाज पोचवणे हेच आमचे उद्दिष्ट आहे.”
ते पुढे म्हणाले की, आगामी पंचायत समिती, जिल्हा परिषद व महानगरपालिका निवडणुकांमध्ये वंचित बहुजन आघाडी सज्ज असून, प्रत्येक स्तरावर जनतेचा सहभाग वाढवण्यासाठी पक्षाने संघटन विस्तार मोहीम सुरू केली आहे.
या कार्यक्रमास भारतीय बौद्ध महासभेचे राज्य संघटक भीमराव तायडे गुरुजी, प्रा. नागोराव पांचाळ (प्रदेश उपाध्यक्ष), प्रा. सुरेश शेळके (विभागीय प्रशिक्षक), प्रमोद कुटे (जिल्हाध्यक्ष उत्तर विभाग), सुनिता साळवे (महिला आघाडी जिल्हाध्यक्ष), गणेश गाढे (युवक जिल्हाध्यक्ष), शिवाजी वाकळे (जिल्हा महासचिव), मुद्दसिर अन्सार मुनीरुदिन (महानगर शहराध्यक्ष), धम्मपाल सोनटक्के (माजी जिल्हाध्यक्ष), एन.जी. खंदारे (जिल्हा कोषाध्यक्ष), भगवान देवरे व गौतम रणखांबे (जिल्हा सचिव), बी.आर. आव्हाड (जिल्हा सदस्य) आदी मान्यवर उपस्थित होते.
तसेच राजेश भारत गायकवाड, सिद्धार्थ शंकरराव रायबोले, रंजित मकरंद, बाबुराव शिंदे, अमोल सिरसमकर (वाघमारे), दिलीप बोरकर, आकाश अंभोरे, यशवंत सोनवणे, प्रमोद आंभोरे, राहुल पोळे, मधुकर बनकर, शेख कलीम, मोहन गाडे, प्रताप पंडित यांसह अनेक पदाधिकारी व कार्यकर्त्यांची उपस्थिती लक्षणीय होती.
कार्यक्रमाचे सूत्रसंचालन संदीप खाडे (परभणी जिल्हा प्रसिद्धीप्रमुख) यांनी केले.