टिकली नाही लावली तरी चालेल पण या व्यवस्थेमध्ये स्त्री टिकली पाहिजे- प्रा.राहुल माहुरे

श्री शिवाजी महाविद्यालयात सावित्रीबाई फुले जयंती कार्यक्रम संपन्न

स्थानिक- श्री शिवाजी महाविद्यालय, अकोला येथे मराठी विभाग, मानव्यविद्या शाखा व आयक्यूएसी यांच्या संयुक्त विद्यमाने दि.३ जानेवारी क्रांतीज्योती सावित्रीबाई फुले यांच्या जयंतीचा कार्यक्रम घेण्यात आला. या कार्यक्रमात प्रमुख वक्ते म्हणून प्रा.राहुल माहुरे वाणिज्य विभाग प्रमुख, वाय.डी.व्ही.डी.महाविद्यालय, तिवसा हे बोलत होते. ‘‘ज्या समाज व्यवस्थेमध्ये स्त्रीला गर्भातच मारल्या जाते त्या व्यवस्थेमध्ये टिकली नाही लावली तरी चालेल पण स्त्री टिकली पाहिजे’’ असे भावनीक आवाहन त्यांनी केले. आणि सावित्रीबाई फुले यांच्या जीवनाचा पट विद्यार्थ्यांसमोर मांडला.

या कार्यक्रमाला अध्यक्ष म्हणून मानव्यविद्या शाखा प्रमुख प्रा.डॉ.विवेक हिवरे हे होते. तर प्रमुख उपस्थित म्हणून मराठी विभाग प्रमुख डॉ.सुलभा खर्चे, डॉ.नानासाहेब वानखडे, इतिहास विभाग प्रमुख, डॉ.चेतन राउत, भूगोल विभाग प्रमुख प्रामुख्याने उपस्थित होते. कार्यक्रमाचे प्रास्ताविक डॉ.श्रध्दा थोरात यांनी केले तर संचालन प्रा.गणेश मेनकार यांनी केले तर आभार प्रदर्शन डॉ.संजय पोहरे यांनी केले. या कार्यक्रमाला डॉ.निलीमा तिडके, डॉ.सुनील मावस्कर, प्रा.कपिला म्हैसने, डॉ.रावसाहेब काळे, डॉ.एकनाथ खेडकर, प्रा.संतोष पस्तापुरे, प्रा.शताब्दी धांडे, श्री पखाले, श्री फाले हे प्रामुख्याने उपस्थित होते. या कार्यक्रमाला मानव्यविद्या शाखेचे बहुसंख्य विद्यार्थी उपस्थित होते.

Leave a Reply

Your email address will not be published.