देशात सर्वात मोठा उद्योग धंदा असलेले बांधकाम क्षेत्र आहे.93 टक्के कामगार यांच असंघटित कष्टकरी कामगार क्षेत्रात गणले जातात.सध्या महाराष्ट्रामध्ये महाराष्ट्र इमारत व इतर बांधकाम कामगार कल्याणकारी मंडळाकडे 28 लाख नोंदणीकृत बांधकाम कामगार आहेत. इतकेच नव्हे तर 26 लाख बांधकाम कामगारांचे अर्ज प्रलंबित आहेत.म्हणजेच एकूण 54 लाख बांधकाम कामगारांचे काम सध्या पूर्णपणे बंद पडल्याच्या अवस्थेत आहे.या मंडळाचे सचिव श्री.विवेक कुंभार यांनी कारस्थान करून आचारसंहिता सुरू आहे म्हणून काम करता येणार नाही असे सांगून सर्व कामकाज बंद पाडले.याची काही आवश्यकता नव्हती म्हणून मुंबई उच्च न्यायालया मध्ये या निर्णयाविरुद्ध कामगार संघटना संयुक्त कृती समितीने केस दाखल केली होती.याबाबत सहा नोव्हेंबर 2024 रोजी मुंबई उच्च न्यायालयाने असा आदेश केलेला आहे की एका दिवसात पूर्वी असलेले सर्व कामकाज ऑनलाइन पद्धतीचे सुरू करण्यात यावे.परंतु जाणीवपूर्वक बड्या कंत्राटदारांचे भरे करण्यासाठी लाखो कामगारांना सगळ्या लाभांपासून वंचित ठेवण्यासाठी या मंडळाचे सचिव श्री.विवेक कुंभार यांनी तालुका पातळीवर ऑनलाईन चे काम करण्यात येईल असे घोषित करून प्रत्यक्षामध्ये मुंबई उच्च न्यायालयाचे आदेशाची अंमलबजावणी केलीच नाही.या अन्यायाविरुद्ध नागपूर विधानसभेवर 18 डिसेंबर रोजी बांधकाम कामगारांनी प्रचंड मोर्चा काढला त्यानंतर दोन जानेवारी रोजी कामगार मंत्री श्री.आकाश फुंडकर यांच्याशी चर्चा होऊन त्यांनी बांधकाम कामगारांचे पोर्टल पूर्ववत सुरू करण्यात येईल असे आश्वासन दिले होते.पण प्रत्यक्षात पोर्टल सुरू न झाल्याने कामगार संघटना संयुक्त कृती समितीचे निमंत्रक कॉ शंकर पुजारी यांनी कामगार मंत्री श्री.आकाश फुंडकर यांच्याशी 9 जानेवारी रोजी फोनवरून संपर्क साधला त्यावेळेस कामगार मंत्री श्री.आकाश फुंडकर यांनी कॉ शंकर पुजारी यांना सांगितले की पोर्टल पूर्वत सुरू करण्यासाठी सॉफ्टवेअरचे कामकाज सुरू आहे लवकरच पोर्टल सुरू होईल.
दरम्यान कंत्राटी पद्धतीने दिलेली तालुका कामगार सेवा केंद्रे पूर्ण कुचकामी ठरली असून त्या ठिकाणी दलाला मार्फत कामगारांचे उघडपणे शोषण चालू आहे.खरे कामगार या सेवा केंद्राकडे फिरकत नाही. दलाल गावागावात घरी जाऊन अर्ज भरून घेतात,आणि कामगारांना सकाळी चार वाजता पासून रांगेत उभे राहण्यास सांगतात. त्यांना वेळेवर टोकन नंबर दिला जातो पण पुढील कारवाई होत नाही म्हणून सेवा केंद्रावर प्रचंड गोंधळ निर्माण होऊन भांडणे होऊन धक्का बुक्की होत असल्याचे व्हिडिओ सर्वत्र व्हायरल होत आहेत. या विरोधात असंख्य तक्रारी होत असून ही त्यांची दखल घेतली जात नाही. म्हणूनच अशा एकूण भ्रष्टाचारी कारभारा विरोधात 21 जानेवारीपर्यंत जर पोर्टल सुरू झाले नाही तर महाराष्ट्र राज्य बांधकाम कामगार संघटना संयुक्त कृती समितीच्या नेतृत्वाखाली खालील कामगार आणि त्यांच्या साथीला हजारो कामगार बेमुदत उपोषण करणार आहेत.
मुंबई आझाद मैदान मध्ये उपोषणास बसण्यासाठी प्रमुख कार्यकर्त्यांनी उत्सपूर्तपणे नावे खालील प्रमाणे नांवे दिली आहेत.नागेश बनसोडे सोलापूर,सागर कुंभार सातारा,मंगेश माटे भंडारा,सुनील लाखे नाशिक,शंकर मधुकर भैलूमे अहमदनगर,वाहिद पठाण औरंगाबाद,संदीप खंदारे अकोला,अजय कांबळे लातूर,नितीन यादव सातारा असे अनेकांनी नांवे दिली आहेत.त्या सर्वांचे कृती समितीच्या वतीने हार्दिक स्वागत करण्यात आले आहे.
आझाद मैदान मुंबई येथे 21 तारखेपासून होणारे बेमुदत उपोषण यशस्वी होण्यासाठीच आतापासूनच सर्व जिल्ह्यांमध्ये जिल्हाधिकारी व सहाय्यक कामगार आयुक्त यांना निवेदन देऊन चर्चा करावी असे आवाहन करणारे पत्रक महाराष्ट्र राज्य बांधकाम कामगार संघटना कृती समितीचे निमंत्रक कॉ.शंकर पुजारी,सह सर्व निमंत्रक,सागर तायडे,विनिता बाळेकुंदरी,राजकुमार होळीकर,प्रशांत रामटेके,प्रशांत मेश्राम,आनंद भालेराव यांनी प्रसिद्धस दिलेले आहे.