अकोला शहरातील अब्दुल्ला कॉलनी, खदान अकोला येथे राहणारा कुख्यात गुंड शेख कादर उर्फ सलमान शेख आमद कुरेशी वय २३ वर्ष याचे वर यापूर्वी इच्छापुर्वक जबर दुखापत पोहोचवणे, घातक हत्यारांनी किंवा साधनांनी इच्छापुर्वक दुखापत पोहोचवणे, चोरी करणे, पाळीव जनावराची चोरी करणे, अप्रामाणिकपणे चोरीची मालमत्ता स्विकारणे, कितीही किमतीची गुरेढोरे जनावरास ठार मारुन किंवा विकलांग करुन आगळीक करणे, पाळीव प्राण्यानां निर्देतेने वागणुक देणे, बेकायदेशीररित्या शस्त्र बाळगणे, हद्दपार आदेशाचे उल्लंघन करणे, कायदेशीर केलेल्या एखादया आदेशाचे पालन न करणे, शांतताभंग घडवुन आणण्याच्या उद्देशाने अपमान करणे, धाकदपटशा करणे असे बरेच गंभीर गुन्हे दाखल आहेत. त्याचे वर यापूर्वी विवीध कलमान्वये प्रतिबंधक कार्यवाही करण्यात आली होती, परंतु त्याचे वर त्याचा काहीच परिणाम झालेला नव्हता. तो प्रतिबंधक कार्यवाही करून सुध्दा जुमानत नसल्याने त्याचे विरुध्द गंभीर दखल घेण्यात येवुन कुख्यात गुंड शेख कादर उर्फ सलमान शेख आमद कुरेशी, याचे गुन्हेगारी वृत्तीस आळा बसावा याकरीता मा. पोलीस अधीक्षक, अकोला यांनी त्यास स्थानबध्द करण्याबाबतचा प्रस्ताव मा. जिल्हादंडाधिकारी, अकोला यांना सादर केला होता. मा. जिल्हादंडाधिकारी, श्री. अजित कुंभार यांनी सर्व कायदेशीर बाबींची पडताळणी करून तसेच स्वतःचे स्त्रोताव्दारे माहीती मिळवुन सदर कुख्यात गुंड हा धोकादायक व्यक्ती असल्याची खात्री झाल्याने त्यास एक वर्षा करीता अकोला जिल्हा कारागृहात स्थानबध्द ठेवण्याबाबतचा आदेश दि. १८/०१/२०२५ रोजी पारीत केला.
मा. जिल्हादंडाधिकारी, सा. अकोला यांचे आदेशावरून शेख कादर उर्फ सलमान शेख आमद कुरेशी याचा तात्काळ शोध घेवुन त्यास सदरचा आदेश तामील करून त्यास दिनांक १८/०१/२०२५ रोजी जिल्हा कारागृहात स्थानबध्द केले.
सदरची कार्यवाही पूर्ण करण्याकरीता मा. पोलीस अधीक्षक, श्री. बच्चन सिंह यांचे मार्गदर्शनाखाली अपर पोलीस अधीक्षक, अभय डोंगरे, तसेच उपविभागीय पोलीस अधिकारी सतीश कुलकर्णी, स्थानिक गुन्हे शाखा येथील पोलीस निरीक्षक शंकर शेळके, पोउपनि. माजीद पठाण, पोहेकॉ. ज्ञानेश्वर सैरिसे, पोकॉ. उदय ईश्वरीप्रसाद शुक्ला, तसेच पोलीस स्टेशन खदान येथील पोनि. मनोज केदारे, पोहेकॉ. विजय चव्हाण, पोहेकॉ. नितीन मगर, पोहेकॉ. दिनकर धुरंधर, पोकॉ. रवि काटकर, पोकॉ. रोहीत पवार, पोकॉ. विक्रांत अंभोरे, यांनी परिश्रम घेतले.
अकोला जिल्हयात कायदा व सुव्यवस्था अबाधीत राहुन शांतता राहावी याकरीता अशा प्रकारचे गुन्हे करणारे व कारवाईस न जुमानणा-या सराईत गुन्हेगारांवर येणा-या जि.प. व मनपा निवडणुका, आगामी सण उत्सव काळात एमपीडीए व इतर प्रचलित कायद्यान्वये कारवाई करण्यात येणार आहे “असा इशारा जिल्हा पोलीस अधिक्षक बच्चन सिंह यांनी दिला आहे.