अकोला(प्रतिनिधी,शुभम गोळे)— श्री. शिवाजी कला, वाणिज्य व विज्ञान महाविद्यालय अकोला येथील मानसशास्त्र विभाग व विविध मनोसामाजिक संस्था यांच्या संयुक्त विद्यमाने दिनांक ३ ऑक्टोबर ते १० ऑक्टोबर २०२५ या कालावधीत “जागतिक मानसिक आरोग्य सप्ताह” उत्साहात पार पडला. या उपक्रमांतर्गत विविध शैक्षणिक, सामाजिक व जनजागृतीपर कार्यक्रमांचे आयोजन करण्यात आले.
कार्यक्रमाचे उद्घाटन ३ ऑक्टोबर रोजी महाविद्यालयाचे प्राचार्य डॉ. रामेश्वर भिसे, अकोल्यातील सुप्रसिद्ध मानसोपचार तज्ञ डॉ. सुजय पाटील व सुप्रसिद्ध स्त्रीरोग तज्ञ डॉ. हर्षवर्धन मालोकार यांच्या हस्ते करण्यात आले. यावेळी मानसशास्त्र विभागाच्या अभ्यास मंडळाची स्थापना देखील करण्यात आली.
४ ऑक्टोबर रोजी विद्यार्थ्यांनी एकविरा मल्टीपर्पज फाउंडेशनद्वारे चालविल्या जाणाऱ्या कर्णबधिर मुलांच्या शाळेला तसेच डॉ. सुजय पाटील मानसिक रुग्णालयाला भेट दिली.
६ ऑक्टोबर रोजी मानसिक आरोग्य विषयक पोस्टर प्रेझेंटेशन स्पर्धा घेण्यात आली. २५ विद्यार्थ्यांनी सहभाग घेतला. परीक्षक म्हणून डॉ. रावसाहेब काळे उपस्थित होते. लीजा खान — प्रथम, साक्षी वाघ — द्वितीय, श्रेया गोसावी — तृतीय क्रमांकाचे मानकरी ठरले. त्यानंतर श्रीमती करुणा महंतरे (समुपदेशक, कौटुंबिक न्यायालय अमरावती) यांनी “बोलू की नको?” या विषयावर मार्गदर्शन केले.
७ ऑक्टोबर रोजी मा. हेमंत पद्मने यांनी “मी-ताण तणावाचे व्यवस्थापन” या विषयावर व्याख्यान दिले. ८ ऑक्टोबर रोजी विद्यार्थ्यांनी अकोला येथील बाल निरीक्षण गृह तसेच कौटुंबिक न्यायालयाला भेट दिली.
९ ऑक्टोबर रोजी अमरावती येथील महात्मा ज्योतिबा फुले महाविद्यालयात “मानसशास्त्र व्यवस्थापन संधी, तंत्र व कौशल्य” या विषयावर कार्यशाळा झाली. २१ विद्यार्थ्यांनी सहभाग घेतला. त्याच दिवशी विद्यार्थ्यांनी संत गाडगेबाबा अध्यासन केंद्र, अमरावती विद्यापीठ व डॉ. श्रीकांत देशमुख यांच्या बाबा मानस पुनर्वसन व व्यसनमुक्ती केंद्रालाही भेट दिली.
१० ऑक्टोबर रोजी सुप्रसिद्ध मानसोपचार तज्ञ डॉ. दीपक केळकर यांच्या व्याख्यानाचे आयोजन करण्यात आले. “नातेसंबंधात मानसिक आरोग्य — संवाद, सहानुभूती, समज व ईएमआयमुक्त समाज” या विषयावर त्यांनी विद्यार्थ्यांना मार्गदर्शन केले.
संपूर्ण सप्ताहाचे कार्यक्रम प्राचार्य डॉ. रामेश्वर भिसे यांच्या अध्यक्षतेखाली व मानव्यविद्या शाखाप्रमुख डॉ. नाना वानखडे यांच्या मार्गदर्शनात पार पडले. विज्ञान शाखाप्रमुख डॉ. नितीन मोहोड, वाणिज्य शाखाप्रमुख डॉ. संजय तिडके, डॉ. आनंदा काळे, डॉ. संजय पोहरे, डॉ. धनंजय काळे, डॉ. श्रद्धा थोरात, प्रा. दीपक वाघमारे यांसह सर्व प्राध्यापक उपस्थित होते.
या कार्यक्रमाचे नियोजन व आयोजन मानसशास्त्र विभागप्रमुख डॉ. संतोष पस्तापुरे यांच्या नेतृत्वात झाले. मानसशास्त्र विभागातील तुषार चव्हाण, श्रेया फाले, तृप्ती बिहाडे, निशा हिवराळे, रिंकू मेश्राम, हर्षाली काकडे, अक्षिता मेश्राम, सोनल वाकोडे, श्रेया गोसावी, गौरी ठक्कर, अक्सा अन्सारी, बतूल साबीर, आलोक, जयश्री वैराळे, सुमित सपकाळ, संचिता चव्हाण, रूपाली देवकर, साक्षी वाघ, साक्षी शेलार, लिजा खान, दीक्षा लोखंडे, साक्षी चंदनशिव व इतर विद्यार्थ्यांनी सक्रिय सहभाग नोंदवला.