अकोला(प्रतिनिधी, प्रशिक मेश्राम): भारताचे सर्वोच्च न्यायालयाचे मुख्य न्यायाधीश मा. भूषण गवई यांच्यावर दि. 6 ऑक्टोबर रोजी झालेल्या हल्ल्याच्या निषेधार्थ अकोला वकील संघाच्या वतीने आज रामदासपेठ पोलीस ठाण्यात तक्रार दाखल करण्यात आली.
या प्रकरणी वकील संघाचे अध्यक्ष अॅड. हेमंत मोहता यांनी पोलिसांकडे अधिकृतपणे एफआयआर नोंदविला. या वेळी मा. अध्यक्ष अॅड. साहेबराव गवई, अॅड. चंद्रकांत वानखडे, अॅड. प्रवीण तायडे, अॅड. राहुल इंगळे, अॅड. सतीश तायडे यांच्यासह वकील बांधव मोठ्या संख्येने उपस्थित होते.
वकील संघाने या हल्ल्याचा तीव्र शब्दांत निषेध करत दोषींवर कठोर कारवाईची मागणी केली आहे. “न्यायव्यवस्थेवर हल्ला म्हणजे लोकशाहीच्या मूलभूत मूल्यांवर आघात आहे,” असे मत वकील संघाच्या पदाधिकाऱ्यांनी व्यक्त केले.