अकोला प्रतिनिधी:हरवलेले तथा चोरी गेलेले मोबाईल ट्रेस करुन ते मोबाईल धारकांना परत मिळवून देता यावे या करीता भारत सरकारद्वारा CEIR (Central Equipment Identity Register) हे ऑनलाईन पोर्टल विकसीत करण्यात आले असून आपला मोबाईल गहाळ झाल्यास नागरिकांनी htttps://www.ceir.gov.in या वेबसाईटवर त्याबाबतची ऑनलाईन तक्रार नोंदवावी. त्यांनतर मोबाईलच्या IMEI क्रमांकाच्या मदतीने पोलीसविभागाद्वारे सदर मोबाईल तांत्रीक पध्दतीने ट्रेस करुन तो मोबाईल धारकांना कायदेशीररित्या परत केला जातो. अकोला जिल्हयातील सायबर आणि पोलीस स्टेशन येथे नेमणूकीस असलेल्या पोलीस अमलदारांद्वारे विशेष प्रयत्न करुन तांत्रिक तपासाच्या आधारावर अकोला शहर उपविभागतील हरवलेले 2,64,000/- रुपये किंमतीचे एकून 18 मोबाईल (स्मार्ट फोन) राज्य तथा अन्य राज्यातून ट्रेस करण्यात आलेले आहेत. सदर मोबाईल मा. पोलीस अधिक्षक श्री. बच्चन सिंह यांच्या संकल्पनेतून आणि आणि अपर पोलीस अधिक्षक श्री अभय डोंगरे यांच्या मार्गदर्शनाखाली प्रजासत्ताक दिनाच्या पुर्व संध्येला विशेष कार्यक्रमाचे आयोजन करुन श्री सतीश कुलकर्णी, उपविभागीय पोलीस अधिकारी यांच्या हस्ते मोबाईलधाराकांना परत करण्यात आले आहेत.
सदर मोबाईल हस्तगत करण्यामध्ये शहर विभागातील सर्व पो.स्टे.चे प्रभारी अधिकारी व त्यांच्या अधिनस्त पोलीस अमलदार पो.हवा. उमेश सुगंधी, पो.हवा. अभिमन्यु सदांशिव, पो.हवा. अमित दुबे, पो.शि. प्रफुल्ल बांगर, पो.शि. कुंदन खराबे, पो.शि. मोहन भेंडारकर, पो.शि. निलेश बुंदे, पो.शि. नितिन तेलगोटे, पो.शि. फोदाळे, पो.शि. गिरीश तिडके आणि पो.शि. गणेश निलखन यांनी महत्वाची भुमीका पार पाडली आहे.
नागरीकांना आवाहन करण्यात येते की, आपले मोबाईल गहाळ अथवा चोरी जाणार नाहीत याची दक्षता घ्यावी. आपले मोबाईल गहाळ अथवा चोरी झाल्यास आपण htttps://www.ceir.gov.in या वेबसाईटद्वारे CEIR पोर्टलवर ऑनलाईन तक्रार नोंदवावी.