बालदिनाचे औचित्य साधून सोमवार, १४ नोव्हेंबर ते रविवार २० नोव्हेंबर दरम्यान महानगरात जिल्हा विधी सेवा प्राधिकरण, महिला व बालविकास विभाग आणि तीक्ष्णगत मल्टीपर्पज वेल्फेअर सोसायटी अंतर्गत चाइल्ड लाईन व रेल्वे चाइल्ड लाईन १०९८, अकोला यांच्या संयुक्त विद्यमाने जागतिक बालहक्क सुरक्षा सप्ताहाचे आयोजन करण्यात आले आहे. या उपक्रमांतर्गत सोमवार, १४ नोव्हेंबर रोजी जिल्हाधिकारी कार्यालय येथे बाल हक सुरक्षा सप्ताहाचे उद्घाटन, बाल हक्क सुरक्षा प्रचार रथाचे उद्घाटन, पथनाट्य सादरीकरण, अलाईड सिस्टीम चाईल्ड लाईनसे दोस्तीबॅन्ड बॅच लावणे अशा कार्यक्रमाचे आयोजन करण्यात आले आहे.
सम्यक संबोधी वाचनालय हॉल येथे बालकांचे अधिकार विषयक चित्रकला पोस्टर प्रदर्षणी चे आयोजन करण्यात आले आहे. मंगळवार दिनांक 15 नोव्हेंबर रोजी समाज कल्याण मुलींचे वस्तीगृह येथे बालविवाह मुक्त भारत व पोस्को कायदा विषयी मार्गदर्शन कार्यक्रम, बुधवार दिनांक 16 नोव्हेंबर रोजी जिल्हास्तरीय रुग्णालय ए एन एम ,जी एन एम नर्सेस यांना पॉस्को कायद्याविषयी मार्गदर्शन गुरुवार 17 नोव्हेंबर रोजी अकोला लॉ कॉलेज बालकांच्या कायदा आणि वकिलांची भूमिका या विषयावर कुशल जैन यांचे मार्गदर्शन, शुक्रवार १८ नोव्हेंबर रोजी मध्य रेल्वे स्थानक येथे मानवी तस्कर विरोधी जनजागृती कार्यक्रम तीक्ष्णगत मल्टीपर्पज सोसायटी अकोला कार्यालयात 5 ते 12 आणि 13 ते 18 वर्षे मुलांसाठी माझा हक्क माझी सुरक्षा या विषयावर मुलांची मते समाज माध्यमावर मागविण्यात येणार आहे. शनिवार १९ नोव्हेंबर रोजी कृषी नगर येथील सावित्रीबाई फुले माध्यमिक शाळेत बालकांचे कायदे व हक्काविषयी मार्गदर्शन करण्यात येणार असून २० नोव्हेंबर रोजी सिविल लाईन बालस्नेही पोलीस केंद्र येथून रन फॉर चाइल्ड या वॉकथॉन स्पर्धेचे आयोजन करण्यात येणार आहे. बालक दिनानिमित्त आयोजित करण्यात आलेल्या सर्व कार्यक्रमांमध्ये अकोला महानगरातील सर्व स्तरातील नागरिक सामाजिक कार्यकर्ते शाळा व महाविद्यालय विद्यार्थी विविध स्वयंसेवी संस्था व संघटना यांनी बहुसंख्येने सहभागी असे आव्हान आयोजकांच्या वतीने करण्यात आले आहे.