अकोला(प्रतिनिधी, प्रशिक मेश्राम) : स्थानिक गुन्हे शाखा, अकोला यांनी “ऑपरेशन प्रहार” अंतर्गत अंमली पदार्थविरोधी मोहिमेत मोठी कारवाई करत पो.स्टे. रामदासपेठ हद्दीतून ८० हजार रुपये किमतीचा ४ किलो ४०० ग्रॅम गांजा जप्त केला आहे.
गुप्त बातमीदाराकडून मिळालेल्या माहितीनुसार अहमदीया मदरसा, नया बैदपुरा परिसरात संशयित इसम गांजा विक्रीसाठी फिरत असल्याची माहिती पथकाला मिळाली. त्यानुसार शासकीय पंचासमक्ष सापळा रचून संशयित समीरखान हसनखान (वय ३०, रा. कश्मीर लॉज मागे, बैदपुरा, अकोला) यास ताब्यात घेण्यात आले. त्याच्या ताब्यातून एकूण ४ किलो ४० ग्रॅम गांजा, किंमत सुमारे ८०,०००/- रुपये असा मुद्देमाल जप्त करण्यात आला.
या प्रकरणी आरोपीवर एन.डी.पी.एस. अॅक्ट अन्वये गुन्हा दाखल करण्यात आला असून, पुढील चौकशीसाठी त्यास रामदासपेठ पोलीसांच्या ताब्यात देण्यात आले आहे.
ही कारवाई मा. पोलीस अधीक्षक अर्चित चांडक आणि मा. अपर पोलीस अधीक्षक बी. चंद्रकांत रेड्डी यांच्या मार्गदर्शनाखाली करण्यात आली. स्थानिक गुन्हे शाखेचे पो.नि. शंकर शेळके, स.पो.नि. विजय चव्हाण, पो.उप.नि. गोपाल जाधव, माजीद पठाण, विष्णु बोडखे तसेच सहा.पो.उप.नि. राजपालसिंह ठाकुर, गणेश पांडे, शेख हसन, रविंद्र खंडारे, अब्दुल माजीद, खुशाल नेमाडे, वसिमोद्दीन, मोहम्मद ऐजाज, श्रीकांत पातोंड, भिमराव दिपके व चालक प्रशांत कमलाकर यांच्या पथकाने ही कारवाई केली.
👉 “ऑपरेशन प्रहार”अंतर्गत अंमली पदार्थांविरोधातील ही कारवाई स्थानिक गुन्हे शाखेच्या यशस्वी मोहिमेत आणखी एक मोठी भर घालणारी ठरली आहे.