अकोला शहरातील चॉदखा प्लॉट, जुने शहर, अकोला येथे राहणारा कुख्यात गुंड शेख कासम शेख शेखजी वय २९ वर्ष याचे वर यापुर्वी खून करणे, बेकायदेशीर जमाव करणे, प्राणघातक हत्यारांसह सज्ज होवून बेकायदेशीर जमावात सामील होणे, दंगा करणे, प्राणघातक शस्त्रनिशी सज्ज होवून दंगा करणे, कायदेशीर रित्या केलेल्या आदेशावे पालन न करणे, दुखापत करणे, रस्ता अडविणे, धमकी देणे, शिवीगाळ करणे, हद्दपार आदेशाचे उल्लंघन करणे, संघटीत गुन्हेगारी करणे बेकायदेशिर रित्या अग्नीशस्त्र बाळगणे, त्याचे वर यापुर्वी विवीध कलमान्वये प्रतिबंधक कार्यवाही करण्यात आली होती, परंतु त्याचे वर त्याचा काहीच परिणाम झालेला नव्हता. तो प्रतिबंधक कार्यवाही करून सुध्दा जुमानत नसल्याने त्याचे विरुध्द गंभीर दखल घेण्यात येवुन कुख्यात गुंड शेख कासम शेख शेखजी यावे गुन्हेगारी वृत्तीस आळा बसावा याकरीता मा. पोलीस अधीक्षक, अकोला यांनी त्यास स्थानबध्द करण्याबाबतचा प्रस्ताव मा. जिल्हादंडाधिकारी, अकोला यांना सादर केला होता. मा. जिल्हादंडाधिकारी, श्री. अजित कुंभार यांनी सर्व कायदेशीर बाबींची पडताळणी करून तसेच स्वतःचे स्त्रोताव्दारे माहीती मिळवुन सदर कुख्यात गुंड हा धोकादायक व्यक्ती असल्याची खात्री झाल्याने त्यस एकवर्षा करीता अकोला जिल्हा कारागृहात स्थानबध्द ठेवण्याबाबतचा आदेश दि.२८/०६/२०२४ रोजी पारीत करण्यात आले होते.
दिनांक २८/०६/२०२४ रोजी आदेश काढण्यात आले होते. स्थानबध्द इसमास यापूर्वी सुध्दा एम. पी.डी.ए. कायदयान्वये स्थानबध्द करण्यात आले होते. परंतु त्याचे गुन्हेगारी कृत्य सुरु असल्याने त्याचे पुनश्चः त्याचे स्थानबध्दतेवे आदेश पारीत करण्यात आले होते. सदर आदेशाबाबत त्याला माहीती झाल्याने तो फरार झाला होता. तो आज रोजी मिळुन आल्याने त्यास सदरचा आदेश तामील करून दिनांक २०/०८/२०२४ रोजी जिल्हा कारागृहात स्थानबध्द केले. एम.पी.डी.ए. अन्वये स्थानबध्दतेचा आदेश पारीत झाल्यानंतर आरोपी फरार झाल्यास तो मिळून येईल त्यादिवसा पासुन आरोपीचा एक वर्ष स्थानबध्दतेवा कालावधी सुरु होतो. सदरची
कार्यवाही पूर्ण करण्याकरीता मा. पोलीस अधीक्षक, श्री. बच्चन सिंह यांचे मार्गदर्शनाखाली अपर पोलीस अधीक्षक, अभय डोंगरे, तसेच उपविभागीय पोलीस अधिकारी सतीश कुलकर्णी, स्थानिक गुन्हे शाखा येथील पोलीस निरीक्षक शंकर शेळके, पोउपनि. आशिष शिंदे, पोहेकॉ. ज्ञानेश्वर सैरिसे, पोकॉ. उदय ईश्वरीप्रसाद शुक्ला, तसेच पोलीस स्टेशन जुने शहर येथील पोलीस निरीक्षक नितीन लेव्हरकर, पोउपनि, करणकर, पोलीस अमंलदार अमोल गायकवाड, अब्बास अली, शैलेष पावपोर, श्रीकांत पवार, सागर शिरसाठ,, पवन डांबलकर, यांनी परिश्रम घेतले.
” अकोला जिल्हयात कायदा व सुव्यवस्था अबाधीत राहुन शांतता राहावी याकरीता अशा प्रकारचे गुन्हे करणारे व कारवाईस न जुमानणा-या सराईत गुन्हेगारांवर येणा-या निवडणुका, आगामी सण उत्सव काळात एमपीडीए व इतर प्रचलित कायद्यान्वये कारवाई करण्यात येणार आहे “असा इशारा जिल्हा पोलीस अधिक्षक बच्चन सिंह यांनी दिला आहे.