स्थानिक : अकोला येथील श्री शिवाजी महाविद्यालयातील विद्यार्थ्यांनी महिलारत्न पुष्पाताई हिरे एमजीएस आर्ट, सायन्स अँड कॉमर्स कॉलेज, मालेगाव कॅम्प येथे आयोजित आंतर महाविद्यालयीन गीत गायन स्पर्धेत सहभाग नोंदवून घवघवीत यश संपादन केले.
त्यामध्ये भारतीय समूह गीत गायन स्पर्धेमध्ये द्वितीय क्रमांक, पश्चिमात्य समूहगीत गायन स्पर्धेमध्ये तृतीय क्रमांक, उपशास्त्रीय गीत गायन प्रकारामध्ये तृतीय क्रमांक, व सुगम संगीत गीत गायन प्रकारांमध्ये द्वितीय क्रमांक प्राप्त केले. विद्यार्थ्यांनी यश संपादन केल्याबद्दल संगीत विभागातील विद्यार्थी अजय हागे, शिवानी निकाडे, श्रुती बुडखले, वैभवी गवई, अपूर्वा कौसल, कौशिकी जागीरदार, ओम उटाळे, ओम देवकर या विद्यार्थ्यांचे तसेच संघ व्यवस्थापक प्रा. वैष्णवी महल्ले, प्रा. शुभम नारे, प्रा डॉ. सोपान वतारे, प्रा डॉ. हर्षवर्धन मानकर (संगीत विभाग प्रमुख) यांचे महाविद्यालयाचे प्राचार्य डॉ. रामेश्वर भिसे यांनी अभिनंदन केले.
प्रतिनिधी: शुभम म. गोळे