मुंबई : “सर्वांना समान शिक्षण मिळते, तर संधी देताना लिंगभेद का?” असा संतप्त सवाल करत भारतीय विद्यार्थी मोर्चा आणि राष्ट्रीय मूलनिवासी बहुजन कर्मचारी संघाच्या नेतृत्वात मोठ्या संख्येने विद्यार्थी आणि आरोग्य क्षेत्रातील कार्यकर्ते मुंबई विधान भवनाच्या मुख्य प्रवेशद्वारावर आंदोलनासाठी धडकले.
वैद्यकीय शिक्षण विभागात 80:20 आणि सार्वजनिक आरोग्य विभागात 90:10 या स्त्री-पुरुष प्रमाणाच्या अटींमुळे पुरुष उमेदवारांवर अन्याय होत असल्याचा आरोप करत हे आंदोलन करण्यात आले.
🔹 समान अभ्यासक्रम — मग सेवा समान का नाही?
भारतीय परिचर्या परिषद, महाराष्ट्र परिचर्या परिषद आणि महाराष्ट्र आरोग्य विज्ञान विद्यापीठाद्वारे राबवले जाणारे परिचर्या अभ्यासक्रम स्त्री व पुरुष दोघांसाठीही एकसमान आहेत. तरीदेखील, शासन सेवा देताना लिंगाच्या आधारे आरक्षण व संधींमध्ये असमानता दिसून येते, ही बाब विद्यार्थ्यांच्या संतापाचा केंद्रबिंदू ठरली.
🔹 वैद्यकीय सेवा म्हणजे केवळ स्त्री वा पुरुषांसाठी नाही
नैसर्गिक आपत्ती, अपघात, आणीबाणी अशा अनेक प्रसंगांत पुरुष परिचारक प्रभावी भूमिका बजावतात. स्त्री रोगतज्ज्ञ म्हणून पुरुष डॉक्टर काम करू शकतात, तर पुरुष परिचारकांना सेवा का नाकारली जाते? असा सवाल यावेळी उपस्थित झाला.
🔹 आंदोलनकर्त्यांना पोलिसांकडून ताब्यात
विधान भवन परिसरात आंदोलन चिघळल्याने उपस्थित विद्यार्थ्यांना पोलिसांनी ताब्यात घेतले, मात्र आंदोलकांचा निर्धार कायम राहिला.
🔹 नेतृत्व आणि मागणी
या मोर्चाचं नेतृत्व मा. संदेश कांबळे (राष्ट्रीय महासचिव, भारतीय विद्यार्थी मोर्चा) आणि मा. अभिलाष टेकाळे (राष्ट्रीय मूलनिवासी बहुजन कर्मचारी संघ) यांनी केलं.
त्यांची स्पष्ट मागणी होती –
👉 वैद्यकीय शिक्षण व सार्वजनिक आरोग्य विभागातील लिंगावर आधारित 80:20 आणि 90:10 प्रमाणाच्या अटी त्वरित रद्द कराव्यात.
👉 सर्व पात्र उमेदवारांना समान संधी देण्यात यावी.
🗣️ “समान अभ्यासक्रम शिकवून संधी मात्र भेदभावाची — हे आम्हाला मान्य नाही!””शासनाच्या दडपशाहीला भीक घालत नाही! आम्ही मागणी मान्य होईपर्यंत लढत राहू!”— असा निर्धार आंदोलकांनी व्यक्त केला.
असा स्पष्ट संदेश देत हा आंदोलनाचा स्वर आणखी तीव्र होण्याची शक्यता आहे.