अकोला(प्रतिनिधी, प्रशिक मेश्राम) –अकोला शहरातील बहुचर्चित अक्षय नागलकर हत्या प्रकरणात स्थानीक गुन्हे शाखेने आज आणखी चार आरोपींना अटक केली आहे. आतापर्यंत या प्रकरणात एकूण आठ आरोपी अटकेत असून, एका आरोपीचा शोध सुरु आहे.
दिनांक २३ ऑक्टोबर २०२५ रोजी डाबकी रोड पोलिस ठाण्यात फिर्यादी सौ. शिला विनायक नागलकर यांनी त्यांच्या मुलगा अक्षय विनायक नागलकर (वय २६, रा. मारोती नगर, बाळापुर रोड, अकोला) हा दिनांक २२ ऑक्टोबर रोजी संध्याकाळी पाच वाजून पंधरा मिनिटांनी घराबाहेर गेल्यानंतर परत न आल्याची तक्रार दाखल केली होती. त्यावरून मिसींग क्रमांक ४४/२०२५ नोंद करण्यात आला होता.
प्रकरणाचे गांभीर्य लक्षात घेता मा. पोलीस अधीक्षक श्री. अर्चित चांडक यांनी तपासाची जबाबदारी उपविभागीय पोलीस अधिकारी, शहर विभाग यांच्याकडे दिली. त्याचबरोबर स्थानीक गुन्हे शाखा प्रमुख पो.नि. शंकर शेळके यांना आरोपी शोध व अटक करण्याचे आदेश दिले होते.
स्थागुशा पथकाने मिळालेल्या गोपनीय माहितीनुसार पहिल्याच दिवशी खालील चार आरोपींना अटक केली होती —
(१) चंद्रकांत महादेव बोरकर (रा. शिवसेना वसाहत, अकोला)
(२) आशिष उर्फ आशु शिवकुमार वानखडे (रा. जुने शहर, अकोला)
(३) किष्णा वासुदेव भाकरे (रा. मोठी उमरी, जि. अकोला)
(४) अशोक उर्फ ब्रम्हा पांडुरंग भाकरे (रा. मोरगाव भाकरे, जि. अकोला)
सदर चारही आरोपींना न्यायालयासमोर हजर केले असता त्यांना सात दिवसांची पोलिस कोठडी देण्यात आली.
दरम्यान, आज दिनांक २६ ऑक्टोबर रोजी स्था.गु.शा.पथकाने तपासादरम्यान उघड झालेल्या आणखी चार आरोपींना अटक केली आहे —
(५) रोहीत गजानन पराते (रा. पार्वती नगर, बाळापुर नाका, अकोला)
(६) अमोल अजाबराव उन्हाळे (रा. हरीहरपेठ, जुने शहर, अकोला)
(७) नारायण गणेश मेसरे (रा. बाळापुर, जि. अकोला)
(८) आकाश बाबुराव शिंदे (रा. भौरद, जि. अकोला)
यातील आरोपी क्र. (५) आणि (६) यांना अहिल्यानगर येथून, तर आरोपी क्र. (७) ला बाळापुर येथून आणि आरोपी क्र. (८) ला अकोला रेल्वे स्टेशन परिसरातून ताब्यात घेण्यात आले.
आतापर्यंत एकूण आठ आरोपी अटक असून, एक आरोपी शिवा रामा माळी हा अद्याप फरार आहे. त्याचा शोध तीव्र करण्यात आला असून, पोलीस तपास सुरू आहे.
ही संपूर्ण कारवाई मा. पोलीस अधीक्षक श्री. अर्चित चांडक, अपर पोलीस अधीक्षक श्री. बी. चंद्रकांत रेड्डी, उपविभागीय पोलीस अधिकारी श्री. सुदर्शन पाटील, स्थानिक गुन्हे शाखा प्रमुख पो.नि. शंकर शेळके यांच्या मार्गदर्शनाखाली करण्यात आली.
या कारवाईत स.पो.नि.,गोपाल ढोले, पो.उप.नि. गोपाल जाधव, तसेच पोलीस अमंलदार शेख हसन, रविंद्र खंडारे, अब्दुल माजीद, महेंद्र मलीये, वसीमोददीन, मोहम्मद एजाज, किशोर सोनोने, भास्कर धोत्रे, खुशाल नेमाडे, गोकुळ चव्हाण, सुल्तान पठाण, उमेश पराये, आकाश मानकर, अभिषेक पाठक, मो. आमीर, राज चंदेल, श्रीकांत पातोंड, सतिष पवार, स्वप्नील खेडकर, अशोक सोनवणे, अहिंसार अहमद, चालक प्रशांत कमलाकर, मनीष ठाकरे, विनोद ठाकरे यांनी सहभाग घेतला.