प्रतिनिधी/ शुभम गोळे
संत गाडगेबाबा अमरावती विद्यापीठ अंतर्गत विविध शाखेतील अभ्यासक्रमाच्या हिवाळी 2025 च्या परिक्षा होण्याच्या आधी प्रवेश पत्र (हॉल तिकीट) वर विद्यार्थ्यांना वेळ व तारीख समजणे सोयीचे व्हावे करिता आपण प्रवेश पत्र निर्गमित करताना त्यावर विषयाबरोबर वेळ व तारीख निर्गमित करून अशा पद्धतीने प्रवेश पत्र द्यावे जेणेकरून कुठल्याही प्रकारे विद्यार्थी परीक्षे विषयी वेगवेगळ्या बदलणाऱ्या तारखेमुळे संभ्रमित राहू नये व कुठलाही विद्यार्थी परिक्षेपासून वंचित राहू नये या मागणीचे निवेदन आज रिपब्लिकन बहुजन विद्यार्थी परिषदेच्या वतीने संत गाडगेबाबा अमरावती विद्यापीठाचे परिक्षा नियंत्रक डॉ.नितीन कोळी यांना निवेदन देऊन करण्यात आली.
यावेळी रिपब्लिकन बहुजन विद्यार्थी परिषदेचे अकोला जिल्हाध्यक्ष तथा विदर्भ सरचिटणीस आकाश हिवराळे,मा.शिक्षक अरुण अवचार,सुरेंद्र अवचार,वैभव अवचार,तुषार अवचार आदींसह असंख्य पदाधिकारी व कार्यकर्ते मोठ्या संख्येने उपस्थित होते.