अकोला(प्रतिनिधी, प्रशिक मेश्राम):
धम्मचक्र परिवर्तन दिनाच्या पार्श्वभूमीवर दीक्षाभूमीकडे जाणाऱ्या हजारो भिमअनुयायांची अकोला बस स्थानकावर कोंडी झाली. गर्दीचा अंदाज असतानाही अकोला बस डेपो प्रशासनाने केलेले नियोजन शून्य ठरले. प्रवासी, विशेषतः वयोवृद्ध, महिला व लहान मुले त्रासलेली पाहून संताप व्यक्त झाला.
बस डेपो व्यवस्थापकांकडे जादा गाड्यांची मागणी करण्यात आली. मात्र सुरुवातीला “मागणी आलेली नाही” असे म्हणत त्यांनी नकार दिला. प्रशासनाच्या या बेफिकीर भूमिकेविरोधात समाजसेवक नितीन जामनिक, वंचितांचा प्रकाशचे प्रतिनिधी प्रशिक मेश्राम व मुख्य संपादक महेंद्रजी डोंगरे यांनी आंदोलनाचा पवित्रा घेत थेट व्यवस्थापकाला जाब विचारला.
✦ उडवाउडवीवर ठाम प्रतिकार
डेपो प्रशासन उडवाउडवीची उत्तरे देत राहिले. मात्र कायद्याच्या चौकटीत ठामपणे आवाज उठवत आंदोलनाची भूमिका घेण्यात आली. “भिमअनुयायांची गैरसोय सहन केली जाणार नाही,
या ठाम भूमिकेमुळेच अखेर प्रशासन झुकले आणि जादा बसगाड्या सोडण्याचा निर्णय घ्यावा लागला.
✦ भीमसैनिकांचा इशारा
“डॉ. बाबासाहेब आंबेडकरांना अभिवादनासाठी जाणाऱ्या अनुयायांना त्रास होणे म्हणजे प्रशासनाचे अपयश आहे. भिमसैनिक आपल्या अनुयायांचा प्रवास थांबू देणार नाहीत. आवश्यकता भासल्यास आंदोलनाच्या मार्गानेही न्याय मिळवू,” असे
भीम अनुयायांनी सांगितले
📌 सारांश :
अकोला बस डेपो व्यवस्थापनाचा निष्काळजी कारभार धम्मचक्र परिवर्तन दिनी उघड झाला. पण भिमअनुयायांनी घेतलेल्या आंदोलनाच्या पवित्र्यामुळेच शेवटी जादा बसगाड्या सोडल्या गेल्या. या घटनेने पुन्हा एकदा दाखवून दिले की संघर्षाशिवाय हक्क मिळत नाही.