प्राथमिक तपासात दारूचे अति सेवन कारणीभूत
अकोला(प्रतिनिधी, प्रशिक मेश्राम)– शहरातील अकोट रोड परिसरात आज दुपारी एक अनोळखी इसमाचा मृतदेह आढळून आल्याने परिसरात एकच खळबळ उडाली.
मिळालेल्या माहितीनुसार, दुपारी सुमारे २.३० वाजता चेतन कुरील यांनी डायल ११२ वर माहिती दिली की, वृंदावन दालमिलच्या मागे एक व्यक्ती मृत अवस्थेत पडलेला आहे.
त्यानंतर अकोट फाईल पोलीस स्टेशनचे पोलीस हवालदार रोहीदास वानखडे (ब.नं. २६२) आणि पोलीस स्टाफ घटनास्थळी दाखल झाले.
पाहणीदरम्यान सुमारे ४० ते ४५ वयोगटातील इसम फक्त कथीया रंगाच्या अंडरवेअरमध्ये, तर बाजूलाच त्याचे पँट, टी-शर्ट आणि बेल्ट पडलेले आढळले.
आजूबाजूच्या नागरिकांच्या चौकशीतून समजले की, सदर इसम दुपारी १२.३० वाजेच्या सुमारास दारूच्या नशेत अंडरवेअरवर फिरत होता व नंतर त्याच ठिकाणी जाऊन पडला. काही वेळानंतर हालचाल न दिसल्याने नागरिकांनी पोलिसांना माहिती दिली.
सीसीटीव्ही फुटेज तपासात त्या इसमाला दारूच्या नशेत फिरताना व पडताना दिसल्याची पुष्टी झाली आहे. पोलिसांच्या प्राथमिक तपासानुसार सदर इसमाचा मृत्यू दारूचे अति सेवन झाल्याने झाला असावा, असा अंदाज व्यक्त करण्यात आला आहे.
मृतदेह ओळख पटविण्यासाठी जिल्हा सामान्य रुग्णालय, अकोला येथे ठेवण्यात आला असून, या प्रकरणी मर्ग क्र. ४३/२०२५ नोंद करण्यात आला आहे. पुढील तपास अकोट फाईल पोलीस करीत आहेत.
🔍 ओळख पटविण्यासाठी आवाहन
जर कोणाला या अनोळखी व्यक्तीबाबत माहिती असल्यास, खालील क्रमांकावर संपर्क साधावा:
📞 पो. हवा. रोहीदास वानखडे (ब.नं. २६२) – ९६२३४४९९६७
☎️ पोलीस स्टेशन अकोट फाईल, अकोला – ०७२४-२४७००३६