अकोला(प्रतिनिधी, प्रशिक मेश्राम): शहरातील अकोट रोड, अकोट फाईल परिसरात आज दुपारी एक बेवारस मृतदेह आढळून आल्याने परिसरात एकच खळबळ उडाली आहे.
मिळालेल्या माहितीनुसार, नागरिकांनी रस्त्याच्या कडेला एका अनोळखी पुरुषाचा मृतदेह पडलेला पाहिला. तत्काळ याची माहिती पोलिसांना देण्यात आली.
दरम्यान, अकोट फाईल पोलिस घटनास्थळी दाखल होऊन पंचनामा सुरू केला आहे. मृतदेहाची ओळख पटविण्याचे प्रयत्न सुरू असून, प्राथमिक अंदाजानुसार मृत्यूचे कारण अजून स्पष्ट झालेले नाही.
घटनेचा पुढील तपास पोलीस निरीक्षक अकोट फाईल यांच्या मार्गदर्शनाखाली सुरू आहे.