अकोला : बाबासाहेब धाबेकर विद्यालयात विद्यार्थ्यांसाठी सायबर सुरक्षा जनजागृती व प्रतिबंध या विषयावर कार्यशाळेचे आयोजन करण्यात आले. या कार्यशाळेत विद्यार्थ्यांच्या शंकांचे निरसन करून मोबाईलचा योग्य वापर करण्यासाठी शपथ देण्यात आली.
हा उपक्रम शंकरलाल खंडेलवाल महाविद्यालय, अकोला चे प्राचार्य डॉ. जे. एम. साबू व समन्वयक डॉ. दीप्ती पेटकर यांच्या सहयोगाने पार पडला. विद्यालयाचे मुख्याध्यापक यांनी अशा उपक्रमांमुळे विद्यार्थ्यांमध्ये जबाबदार डिजिटल सवयी विकसित होतात, असे प्रतिपादन केले.
कार्यक्रमात खंडेलवाल महाविद्यालयातील सायबर वॉरियर्स आदिती रविंद्र जानोरकर व तनुजा विठ्ठल घोगरे यांनी विद्यार्थ्यांना ऑनलाइन सुरक्षिततेचे महत्त्व पटवून दिले. सोशल मीडियाचा योग्य वापर, वैयक्तिक माहितीचे संरक्षण, फसवे संदेश ओळखणे, तसेच डिजिटल जबाबदाऱ्या याविषयी मार्गदर्शन केले.
👉 या कार्यक्रमामुळे विद्यार्थ्यांमध्ये डिजिटल साक्षरतेबरोबरच सायबर गुन्ह्यांविषयी सजगता निर्माण झाली.