बौध्द बहुजन समूहाच्या सामाजिक ,आर्थिक,शैक्षणिक ,सांस्कृतिक, उत्कर्षा बाबत होणार मंथन
स्थानिक:
बौध्द बहुजन समूहाच्या सर्वांगीण विकासासाठी प्रयत्नशील असणारी चक्रवर्ती सम्राट अशोक प्रतिष्ठान अकोला शासन मान्य संस्थेची महत्वपूर्ण संवाद सभा रविवारी 8 जानेवारी रोजी दुपारी बारा वाजता जिजाऊ हॉल मराठा सेवा संघ कार्यालय,अकोला येथे आयोजित करण्यात आली आहे. या संवाद सभेच्या अध्यक्षस्थानी सम्राट अशोक प्रतिष्ठान चे संस्थापक सदस्य डॉ संदीप भोवते हे राहणार आहेत, संस्थेचे अध्यक्ष प्रा. विजय आठवले,उपाध्यक्ष प्रा. डॉ. बाळकृष्ण खंडारे, सचिव प्रा. सुनील कांबळे,संस्थापक सदस्य निरंजन भाऊ वाकोडे बी. जी. इंगळे, प्रा. शैलेश इंगळे प्रा सुरेश मोरे,मंदाताई शिरसाट , सुनील तायडे, प्रा. डॉ. संदीप डोंगरे, विद्याधर मोहोड, नीलकंठ वाहुरवाघ ,रोहित जगताप इत्यादी मान्यवरांची प्रमुख उपस्थिती राहणार आहे
सदर संस्थेच्या माध्यमातून आंबेडकरी समूहाच्या सामाजिक आर्थिक शैक्षणिक सांस्कृतिक मुद्द्यावर मंथन होवून विविध उपक्रमांचे आयोजन करण्यात येणार आहे. आंबेडकरी समूहाचे प्रश्न, वर्तमान आणि भविष्यकालीन आव्हाने याबाबत सम्राट अशोक प्रतिष्ठान ची भूमिका आणि उद्दिष्टे यावर संवाद सुद्धा होणार आहे. जिल्ह्यात सम्राट अशोक धम्म भूमी संस्कार केंद्र निर्माण करण्याचा संकल्प सम्राट अशोक प्रतिष्ठानचा आहे तसेच 2018 पासून सुरू झालेला महाराष्ट्रातील सर्वात मोठा सम्राट अशोक पर्व महोत्सव अकोल्यात साजरा केल्या जातो 2023 मध्ये सुद्धा प्रचंड उत्साहात साजरा केला जाईल या संदर्भात सुद्धा नियोजन करण्यात येणार आहे. तरी अकोला जिल्ह्यातील विविध संस्था, संघटना, आंबेडकरी चळवळीतील,पुरोगामी चळवळीतील निष्ठावंत मान्यवरांनी या संवाद सभेत उपस्थित राहून सहकार्य करावे असे आवाहन चक्रवर्ती सम्राट अशोक प्रतिष्ठान अकोलाचे अध्यक्ष प्रा. विजय आठवले यांनी केले आहे.