अकोला, प्रतिनिधी (प्रशिक मेश्राम): अकोला जिल्हा अनैतिक मानवी वाहतूक कक्षाने अकोट शहरात मोठी कारवाई करत देहव्यापाराचा अड्डा उध्वस्त केला. या कारवाईत एक महिला आरोपी व ग्राहक ताब्यात घेतले असून पाच पीडित महिलांची सुटका करण्यात आली आहे. पोलिसांनी एकूण ₹४४,९५० किमतीचा मुद्देमाल जप्त केला आहे.
मिळालेल्या माहितीनुसार, अकोट शहरातील मच्छी मार्केट व आठवडी बाजार परिसरात मिनाबाई विजय पागृत (वय ६५, रा. नगरपालिकेजवळ, अकोट) हिने नजुलच्या जागेवर ताडपत्रीचे रूम उभारून देहव्यापार सुरू केला होता. बाहेरून आणलेल्या महिलांना ग्राहकांना पुरवले जात असल्याची माहिती पोलिसांना मिळाल्यावर पंटर पाठवून सापळा रचण्यात आला.
छाप्यात आरोपी मिनाबाई पागृत व ग्राहक शिवा सदाशिव गौतम (रा. बुऱ्हाणपूर, मध्य प्रदेश) यांना ताब्यात घेण्यात आले. त्यावेळी पाच पीडित महिला देखील सापडल्या. तपासादरम्यान ₹११,७५० रोख रक्कम, २० सिलबंद कंडोम, १० वापरलेले कंडोम, ७ मोबाईल फोन (अंदाजे किंमत ₹४३,०००) व इतर साहित्य असा एकूण ₹४४,९५० किंमतीचा मुद्देमाल जप्त करण्यात आला.
या प्रकरणी आरोपींवर अनैतिक व्यापार प्रतिबंधक कायदा १९५६ च्या कलम ३, ४ व ५ अंतर्गत गुन्हा दाखल करण्यात आला असून पुढील तपास अकोट शहर पोलीस करीत आहेत.
ही कारवाई
पोलीस अधीक्षक – अर्चित चांडक
अपर पोलीस अधीक्षक – बी. चंद्रकांत रेड्डी
उपविभागीय पोलीस अधिकारी (अकोट) – सचिन पाटील
पोलीस निरीक्षक – शंकर शेळके
कारवाईत सहभागी अधिकारी व कर्मचारी :
सहाय्यक पोलीस निरीक्षक – कविता फुसे
सहाय्यक उपनिरीक्षक – सुरज मंगरूळकर
पोलीस हवालदार – प्रदीप उंबरकर, दिनेश शिरसाट, विशाल मोरे
महिला पोलीस हवालदार – वैशाली रणवीर, पुनम पातोंड, शिल्पा मगर
पोलीस चालक – भागवत काळे
स्थानिक गुन्हे शाखा कर्मचारी – सुलतान पठाण, सतीश पवार, प्रशांत कमलाकर व पंच सहभागी झाले होते.