अकोला येथील श्रीमती आर.डी.जी. महिला महाविद्यालयात पार पडलेल्या आंतर-महाविद्यालयीन महिला क्रिकेट स्पर्धेत श्री शिवाजी कला, वाणिज्य व विज्ञान महाविद्यालयाने झोन–D मध्ये दमदार कामगिरी करत दोन्ही सामने जिंकत विजेतेपद पटकावले.
पहिल्याच सामन्यात HVPM महिला महाविद्यालय, अमरावती संघावर श्री शिवाजी महाविद्यालयाने आक्रमक सुरुवात करत 10 षटकांत तब्बल 172 धावांचे भलीमोठे लक्ष्य उभारले.
संघाच्या कर्णधार प्राची जाधवने 80 धावा झळकावत (14 चौकार, 1 षटकार) जबरदस्त खेळी साकारली. तिच्या साथीला मयुरी ब्रिगल (18 धावा) व अंजली पाटील (14 धावा) यांनीही मौल्यवान योगदान देत मोठी धावसंख्या उभारली.
हा सामना श्री शिवाजी महाविद्यालयाने एकतर्फी जिंकत फायनलमध्ये धडक दिली.
🔥 अंतिम सामना !
फायनलमध्ये आर.डी.जी. महिला महाविद्यालयाने 7 षटकांत 57 धावांचे लक्ष्य दिले होते. सामन्याच्या शेवटच्या क्षणापर्यंत रोमांच कायम राहिला आणि एक चेंडू शिल्लक ठेवत श्री शिवाजी महाविद्यालयाने विजय मिळवला!
या सामन्यातही प्राची जाधवने 44 धावांची अद्भुत खेळी साकारत ‘सामनावीर’चा बहुमान पटकावला.
🏆 अभिनंदन व कौतुकाचा वर्षाव
महाविद्यालयाचे प्राचार्य डॉ. रामेश्वर भिसे सर, मा. राजेश गिते सर, प्रबंधक मंडळाने विजयी महिला संघाचे मनःपूर्वक अभिनंदन करत पुढील वाटचालीस शुभेच्छा दिल्या.
महिला संघाच्या या ऐतिहासिक विजयाबद्दल सर्व स्तरातून कौतुकाचा वर्षाव होत आहे.
👏 क्रीडा यशामागील खंदे आधारस्तंभ
शारीरिक शिक्षण विभाग प्रमुख प्रा. संजय काळे सर, प्रा. नितीन वाघमारे सर, क्रिकेट प्रशिक्षक शुभम गोळे यांनी घेतलेल्या कठोर परिश्रमामुळेच हा भव्य विजय शक्य झाल्याचे महाविद्यालयीन वर्तुळात बोलले जात आहे.